سوال:
وہ کون سے کلمات ہیں جن کے کہنے سے مسلمان دائرہ اسلام سے خارج ہو جاتا ہے؟
جواب: اللہ تعالی کی شان میں گستاخی کرنا یا جناب نبی کریم ﷺکی شانِ اقدس میں گستاخی کرنا، قطعی حلال کو حرام یا قطعی حرام کو حلال سمجھنا، شریعت کے کسی بھی حکم کا مذاق اڑانا یا حضور ﷺکی کسی بھی سنت کی تحقیر کرنا وغیرہ ۔ یہ تمام کفریہ کلمات ہیں اور ان کے علاوہ وہ تمام کلمات جو ضروری عقائد کے خلاف ہوں، ان کے کہنے سے بھی آدمی کافر ہوجاتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
البزازیة: (کتاب الفاظ تکون اسلاما أو کفرا، 323/6)
اذا وصف اللہ بمالا یلیق یکفر۔
الھندیة: (281/2)
ھکذا الاستھزاء باحکام الشرع کفر۔
الدر المختار مع رد المحتار: (باب المرتد، 393/3، ط: سعید)
والا صل ان من اعتقد الحرام حلالا فان کان حراما لغیرہ کمال الغیر لا یکفر وان کان لعینہ فان کان دلیلہ قطعیا کفر والا فلا وقیل التفصیل فی العالم اما الجاہل فلا یفرق بین الحرام لعینہ ولغیرہ وانما الفرق فی حقہ ان ما کان قطعیا کفر بہ والا فلا فیکفر اذا قال الخمر لیس بحرام۔
واللہ تعالٰی اعلم بالصواب
دارالافتاء الاخلاص،کراچی