سوال:
سوال یہ پوچھنا تھا کہ کیا جنت میں جنتی بغیر داڑھی کے ہوں گے اور کیا ان کے چہرے پر کوئی داڑھی کا بال نہیں ہوگا؟
جواب: جی ہاں! آخرت میں اللہ تعالیٰ جنتیوں کے چہرے کو داڑھی کے بغیر حسن عطا فرمائیں گے، لہذا جنت میں تمام مرد بغیر داڑھی والے نوجوان ہوں گے۔ ترمذی شریف میں حضرت ابو ہریرہ رضی اللہ عنہ سے روایت ہے کہ جناب نبی کریم ﷺ نے فرمایا:جنتی بغیر بال کے اَمْرَد اور سرمگیں آنکھوں والے ہوں گے، نہ ان کی جوانی ختم ہوگی اور نہ ان کے کپڑے بوسیدہ ہوں گے۔ (جامع ترمذی، حدیث نمبر: 2539)
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
سنن الترمذی: (ابواب صفة الجنة، رقم الحدیث: 2539)
عن أبی هريرة قال قال رسول الله صلی الله عليه وآله وسلم أهل الجنة جرد مرد کحلی لايفنی شبابهم ولا تبلی ثيابهم.
واللہ تعالٰی اعلم بالصواب
دارالافتاء الاخلاص،کراچی