سوال: حضرت! میرے ماموں کے بیٹے نے مجھے بتایا کہ ایک دفعہ میرے ذہن میں یہ بات آئی کہ اگر میں عیسائی ہوتا تو کتنا اچھا ہوتا کہ میں امریکہ چلا جاتا اور وہاں اچھی جاب مجھے مل جاتی، لیکن اس خیال کے آنے کے فوراً بعد میں نے اپنے دماغ کو جھٹک دیا اور اپنی اس سوچ پر توبہ کرلی، اس کی اس سوچ کے بارے میں شریعت کا کیا حکم ہے؟

جواب: واضح رہے کہ انسان کے ذہن میں محض شیطانی وساوس آنے پر شرعی احکام مرتب نہیں ہوتے، جب تک کہ اس خیال پر عمل نہ کر لے یا زبان سے نہ بولے، لہذا پوچھی گئی صورت میں آپ کے ماموں کے بیٹے کے ذہن میں محض خیال آنے کی وجہ سے ان کے اسلام پر کوئی فرق نہیں آیا ہے، البتہ اس قسم کے شیطانی خیالات سے اللہ تعالی کی پناہ مانگنی چاہیے۔