سوال: اگر کوئی عورت مسجد جا کر جمعہ کی نماز پڑھ لے، تو کیا ظہر کی نماز ذمہ سے ساقط ہوجائے گی یا عورتوں کے لئے ظہر کی نماز پڑھنا ہی ضروری ہے؟

جواب: جمعہ کی نماز عورتوں پر فرض نہیں ہے، عورتیں عام دنوں کی طرح جمعہ کے دن بھی ظہر کی فرض نماز اور سنتیں ادا کریں گی، البتہ اگر کوئی عورت مسجد جا کر جمعہ کی نماز ادا کرلے، تو جمعہ کی نماز ادا ہوجائے گی، اور اس سے ظہر کی نماز ساقط ہوجائے گی، اور یہ عورت ظہر کی سنتوں کے بجائے جمعہ کی سنتیں ادا کرے گی یعنی جمعہ کی فرض نماز سے پہلے چار سنتِ مؤکدہ، اور فرض کے بعد چار سنتِ مؤکدہ اور دو سنتِ غیر مؤکدہ ادا کرے گی۔