سوال: اگر کوئی شخص چار رکعت والی فرض نماز میں قعدہ اخیرہ میں بیٹھنے کے بعد بھولے سے کھڑا ہوجائے، اور مزید دو رکعت اور پڑھ لے، تو اس کے لئے کیا حکم ہے؟

جواب: اگر کوئی شخص چار رکعت والی فرض نماز مثلا ظہر، عصر یا عشاء میں قعدہ اخیرہ میں بیٹھنے کے بعد بھولے سے کھڑا ہوجائے، اور مزید دو رکعت پڑھ لے، تو اس کی فرض نماز ادا ہوجائے گی، اور مزید دو رکعت نفل شمار ہوگی، البتہ ایسے شخص پر اخیر میں سجدہ سہو کرنا ضروری ہے، اور یہ شخص بھولے سے اس طرح پڑھنے کی وجہ سے گناہ گار نہیں ہوگا۔