سوال:
مفتی صاحب! میرا ایک بیٹا پیدا ہوا ہے، میں عبد کا لفظ لگائے بغیر اللہ تعالیٰ کے ناموں میں سے اس کا نام رکھنا چاہتا ہوں، سوال یہ ہے کہ کیا میں اپنے بیٹے کے لئے عبد کا لفظ لگائے بغیر اللہ تعالیٰ کا نام رکھ سکتا ہوں یا اللہ تعالیٰ کا نام رکھنے کے لئے عبد کا لفظ لگانا ضروری ہے؟
جواب: واضح رہے کہ اگر بچہ کا نام اللہ تعالیٰ کے ایسے نام میں سے رکھا جائے، جو اللہ تعالیٰ کی ذات کے ساتھ خاص ہیں مثلا رزاق، غفار اور خالق وغیرہ، تو اس صورت میں عبد کا لفظ لگانا ضروری ہے، اور اگر بچہ کا نام ایسے ناموں میں سے رکھا جارہا ہو، جو اللہ تعالیٰ کی ذات کے ساتھ خاص نہیں ہیں، بلکہ مشترک ہیں، جنکا استعمال بندوں کے لئے بھی ہوا ہے، جیسے اللہ تعالیٰ کے بعض نام حضور صلی اللہ علیہ وسلم کے لئے بھی استعمال ہوئے ہیں جیسے رؤوف اور رحیم وغیرہ، تو ان ناموں کے ساتھ عبد کا لفظ لگانا ضروری نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار مع رد المحتار: (417/6، ط: دار الفکر)
وجاز التسمية بعلي ورشيد من الأسماء المشتركة ويراد في حقنا غير ما يراد في حق الله تعالى لكن التسمية بغير ذلك في زماننا أولى لأن العوام يصغرونها عند النداء كذا في السراجية
(قوله وجاز التسمية بعلي إلخ) الذي في التتارخانية عن السراجية التسمية باسم يوجد في كتاب الله تعالى كالعلي والكبير والرشيد والبديع جائزة إلخ
تحفة المودود بأحکام المولود: (127/1، ط: دار البیان)
فصل: وَمِمَّا یمْنَع تَسْمِیَة الْإِنْسَان بِہِ أَسمَاء الرب تبَارک وَتَعَالی فَلَا یجوز التَّسْمِیَة بالأحد والصمد وَلَا بالخالق وَلَا بالرازق وَکَذَلِکَ سَائِر الْأَسْمَاء المختصة بالرب تبَارک وَتَعَالیٰ وَلَا تجوز تَسْمِیَة الْمُلُوک بالقاہر وَالظَّاہِر کَمَا لَا یجوز تسمیتہم بالجبار والمتکبر وَالْأول وَالْآخر وَالْبَاطِن وعلام الغیوب․
وَأما الْأَسْمَاء الَّتِی تطلق عَلَیْہِ وعَلیٰ غَیرہ کالسمیع والبصیر والرؤوف والرحیم فَیجوز أَن یخبر بمعانیہا عَن الْمَخْلُوق وَلَا یجوز أَنْ یتسمّی بہَا علی الْاِطْلَاق بِحَیْثُ یُطلق عَلَیْہِ کَمَا یُطلق علی الربّ تَعَالٰی․
واللہ تعالٰی اعلم بالصواب
دارالافتاء الاخلاص،کراچی