سوال:
حضرت ! مسئلہ مشہور ہے کہ نمازی اگر کسی ایسے شخص سے لقمہ لے جو حالت نماز میں نہ ہو، تو اس کی نماز ٹوٹ جاتی ہے، اگر دو شخص جماعت سے نماز پڑھ رہے ہوں اور ایک تیسرا شخص ان کے ساتھ شامل ہو، تو وہ ان دو میں سے امام یا مقتدی کو ہاتھ لگا دیتا ہے اور جس کو ہاتھ لگا وہ اپنی جگہ سے آگے یا پیچھے چلا جاتا ہے، پھر یہ تیسرا شخص جماعت میں شامل ہوتا ہے، کیا اس طرح کرنے میں نماز سے باہر والے سے لقمہ لینے کی شکل نہیں ہے؟ کیا ایسے کرنے سے نماز ہو جاتی ہے؟

جواب: واضح رہےکہ کسی غلطی کی تصحیح کرنے یا غلطی کی اطلاع دینے کو لقمہ دینا کہتے ہیں، جبکہ صورتِ مسئولہ میں کسی غلطی کی اصلاح مقصود نہیں ہے، بلکہ اپنے نماز میں شریک ہونے کو بتانا مقصود ہے، لہذا اس طرح کرنے سے نماز فاسد نہیں ہوتی ہے۔