سوال: اگر ہم ماء مستعمل کو کسی برتن میں جمع کرلیں اور اس سے ناپاک چیزوں کو پاک کرنا چاہیں تو کیا ناپاک چیزیں ماء مستعمل سے دھونے کی صورت میں پاک ہوجائیں گی؟

جواب: ماء مستعمل کا حکم یہ ہے کہ وہ پاک ہے، لیکن پاک کر نہیں سکتا ہے، یعنی اس سے وضو اور غسل کرنا درست نہیں ہے، البتہ اگر ماء مستعمل ناپاک چیزوں کو پاک کرنے کے لئے استعمال کیا جائے تو اس سے ناپاک چیزیں پاک ہوجائیں گی، بالفاظ دیگر اس سے نجاست حکمیہ کو زائل نہیں کیا جاسکتا، البتہ اس سے نجاست حقیقیہ کو دور کیا جاسکتا ہے۔