سوال:
مسجد کی چھت کے لیے زینا ہے، جو کہ مسجد سے باہر سے ہے، اعتکاف اگر دوسری چھت پر کیا جائے تو نمازوں مسجد کے نیچے آکر ادا کریں یا اوپر کی منزل میں ہی پڑھ لیں؟
جواب: صورت مذکورہ میں جب کہ زینہ مسجد سے باہر ہے، معتکفین کو چاہیے کہ مسجد کے نچلے حصے ہی میں اعتکاف کریں، اگر دوسری چھت پر اعتکاف کیا جائے تو ان کو نمازوں کے لیے مسجد کے نچلے حصے میں آنا منع ہے، اوپر ہی کی منزل میں نماز ادا کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الهندية: (212/1، ط: دار الفکر)
(وأما مفسداته) فمنها الخروج من المسجد فلا يخرج المعتكف من معتكفه ليلا ونهارا إلا بعذر، وإن خرج من غير عذر ساعة فسد اعتكافه في قول أبي حنيفة - رحمه الله تعالى - كذا في المحيط. سواء كان الخروج عامدا أو ناسيا هكذا في فتاوى قاضي خان
واللہ تعالٰی اعلم بالصواب
دارالافتاء الاخلاص،کراچی