سوال: مفتی صاحب ! گھر سے باہر نکلتے وقت کونسی دعا پڑھنی چاہیے؟

جواب: جب گھر سے نکلیں تو یہ دعا پڑھیں:
بِسْمِ اللَّهِ، تَوَكَّلْتُ عَلَى اللَّهِ، لَا حَوْلَ وَلَا قُوَّةَ إِلَّا بِاللَّهِ
ترجمہ:
میں اللہ ہی کے نام کے ساتھ نکلا، (اور) میں نے اللہ پر بھروسہ کیا، گناہوں سے پھرنے اور عبادت کرنے کی طاقت اللہ ہی کی طرف سے ہے۔
(جامع الترمذی، باب ماجاء ما یقول اذا خرج من بیتہ، حدیث نمبر: 3426)
فضیلت: جو شخص گھر سے نکلتے ہوئے یہ دعا پڑھتا ہے، تو اس سے کہا جاتا ہے کہ تیری کفایت کر دی گئی، اور تجھے بچا لیا گیا، اور شیطان تجھ سے دور ہو گیا۔