سوال: مفتی صاحب ! کسی کے مکان کی قیمت 4 لاکھ ہو، مالک مکان کو 4 لاکھ کا کہہ کر کسی کو 5 لاکھ کا فروخت کردوں، اور مالک مکان کو 4 لاکھ دے کر بقیہ ایک لاکھ اپنے پاس رکھ لوں۔ کیا یہ میرے لیے حلال ہوگا؟

جواب: صورت مسؤلہ میں بروکر بائع (فروخت کرنے والے) کا وکیل ہے، اور وکیل اپنے موکل کی طرف سے مقرر کردہ اجرت کا مستحق ہوتا ہے، جبکہ عقد میں نفع نقصان کا مالک مؤکل ہوتا ہے، لہٰذا بروکر صرف اپنی مقررہ اجرت کا مستحق ہوگا، اس کے علاوہ جس قدر نفع حاصل ہوا ہے، وہ سب مؤکل کی ملکیت شمار ہوگا، بروکر کے لئے اس نفع کا لینا خیانت اور دھوکہ دہی کے زمرے میں آتا ہے، لہذا بروکر کے لئے اس نفع کو لینا جائز نہیں ہے۔