سوال: السلام علیکم مفتی صاحب !
اکثر مقامات پر مصلے ہوتے ہیں مثلا آفس یا اسپتال وغیرہ میں،
کیا وہاں اذان کے بغیر جماعت کی نماز ادا کی جا سکتی ہے؟

جواب: واضح رہے کہ اذان مسجد کے ساتھ خاص نہیں ہے، بلکہ جہاں کہیں بھی جماعت کے ساتھ نماز پڑھنی ہو، تو نماز کے لیے اذان دینا مسنون ہے، لہذا آپ ہسپتال یا فیکٹری وغیرہ کے مصلے میں نماز پڑھیں، تو اذان دیکر نماز پڑھا کریں، البتہ بغیر اذان کے بھی نماز صحیح ہوجاتی ہے، مگر خلافِ سنت ہوگی اور ترکِ سنت کا وبال ہوگا،
اور ترک اذان کی عادت ہوجائے، تو ترک واجب کی طرح گناہ ہوگا، لیکن جماعت بہر صورت صحیح ہوجاتی ہے۔