سوال: مفتی صاحب! آج کل ہم جب تبلیغی جماعت میں نکلتے ہیں، تو ہم عام طور پر مسجد کے اندر ٹھہرتے ہیں، اور رات کو مسجد ہی میں سوتے ہیں، سوال یہ ہے کہ اگر ہمارے کسی ساتھی کو مسجد میں سوتے ہوئے احتلام ہوجائے، تو وہ اس صورت میں کیا کرے؟

جواب: اگر کسی شخص کو مسجد میں احتلام ہوجائے، تو اس کے لئے بہتر یہ ہے کہ تیمم کرکے فورا مسجد سے باہر نکل جائے، اور جاکر غسل کا انتظام کرے اور اگر تیمم کئے بغیر ہی تیزی سے مسجد سے باہر نکلنا چاہے، تو اس کی بھی گنجائش ہے، اور اگر کسی خطرے کی وجہ سے مسجد میں ٹھہرنا ناگزیر ہو، تو اس صورت میں مسجد میں تیمم کرکے ٹھہرنا واجب ہے، بغیر تیمم کیے ٹھہرنے سے گنہگار ہو گا۔