سوال:
جس سال حج جمعہ کے دن ادا کیا جائے، تو لوگ اس حج کو دیگر دنوں کے حج کی بنسبت حج اکبر کہتے ہیں، سوال یہ ہے کہ جمعہ کے دن کے حج کو حج اکبر کہنا کیسا ہے؟
جواب: واضح رہے کہ بعض معتبر کتابوں میں جمعہ کے دن کی فضیلت مذکور ہے کہ جمعہ کے دن کا حج دیگر دنوں کے حج کے مقابلہ میں ستر درجہ زیادہ فضیلت رکھتا ہے، البتہ جمعہ کے دن کے حج کو "حج اکبر" کہنا معتبر اور درست نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (261/2، ط: دار الفکر)
لوقفة الجمعة مزية سبعين حجة. ويغفر فيها لكل فرد بلا واسطة.
احیاء العلوم: (240/1، ط: دار المعرفۃ)
وقال بعض السلف إذا وافق يوم عرفة يوم جمعة غفر لكل أهل عرفة وهو أفضل يوم في الدنيا
واللہ تعالٰی اعلم بالصواب
دارالافتاء الاخلاص،کراچی