سوال: سوال یہ ہے کہ اگر جماعت کھڑی ہو، اور وضو کی سنتیں ادا کرنے کی صورت میں جماعت فوت ہوجانے کا خوف ہو، تو کیا وضو کے فرائض پر اکتفا کر سکتے ہیں یا مکمل وضو کرنا ضروری ہے؟

جواب: واضح رہے کہ جماعت سے نماز پڑھنا سنتِ مؤکدہ قریب بواجب ہے، اور اسلام کے شعائر میں داخل ہے، اور مکمل نماز وہی ہے، جو جماعت کے ساتھ ادا کی جائے، لہذا اگر کبھی وضو کی سنتیں ادا کرنے کی صورت میں جماعت کی نماز فوت ہوجانے کا خوف ہو، تو وضو کے فرائض پر اکتفا کرنے کی گنجائش ہے، البتہ اس کو معمول ہرگز نہیں بنانا چاہیے۔