سوال: ایک شخص ہسپتال میں ملازم ہے اور کام کے دوران اس کے کپڑوں پر خون یا پیشاب کی چھینٹیں لگتی رہتی ہیں تو کیا وہ ان کپڑوں میں نماز پڑھ سکتا ہے؟

جواب: واضح رہے کہ ہسپتال میں ملازمت کرنے والے ملازمین کو چاہیے کہ وہ نماز کے لیے الگ سے ایک پاک لباس رکھیں، تاکہ وہ بلا شک و شبہ پاکی کی حالت میں نماز ادا کرسکیں، لیکن اگر کبھی ملازمت کے ان کپڑوں میں نماز پڑھنے کی نوبت آجائے جن پر خون یا پیشاب کے قطریں لگتے ہوں تو ان کپڑوں نماز پڑھنے کے بارے میں حکم یہ ہے کہ اگر ملازم کے کپڑوں پر لگے ہوئے خون یا پیشاب کے قطروں کی مقدار ایک درہم (یعنی ہتھیلی کے گہراؤ) کے برابر یا اس سے کم ہو تو اس صورت میں ان کپڑوں میں ناپاکی کا علم ہوتے ہوئے پڑھی گئی نماز کراہت کے ساتھ ہوجائے گی، البتہ اگر خون یا پیشاب کے قطروں کی مقدار ایک درہم سے زیادہ ہو تو ان کپڑوں میں نماز نہیں ہوگی۔