سوال: حضور اکرم ﷺ نے فرض نماز سے پہلے اور بعد میں جو نمازیں پڑھیں وہ نفل یا سنت کس نیت سے پڑھیں؟اگر نفل کی نیت سے پڑھیں تو ہم سنت کی نیت سے کیوں پڑھتے ہیں؟

جواب: واضح رہے کہ نبی اکرم ﷺ نے فرض نمازوں سے پہلے یا بعد میں جو نمازیں ادا فرمائیں ہیں، وہ عبادت ہی کی نیت سے تھیں، البتہ ان کا درجہ فرض اور واجب سے کم تھا۔ تاہم اگر وہ نماز ہمیشگی سے ادا کی گئی اور بلاعذر کبھی اس کو ترک بھی فرمایا گیا (تاکہ وہ فرض واجب کا درجہ نہ حاصل کر لے) تو فقہاء کرام نے ان کو سنت مؤکدہ قرار دیا ہے، ہم اس نماز کو سنت مؤکدہ کی نیت سے ادا کرتے ہیں، اور اگر وہ نماز ہمیشہ ادا نہ فرمائی ہو، بلکہ کبھی کبھار ادا کی ہو تو اس نماز کو فقہاء کرام نے سنت غیر مؤکدہ (مستحب اور نفل) قرار دیا ہے، ہم اس نماز کو نفل کی نیت سے ادا کرتے ہیں۔