سوال: مفتی صاحب! پینشن کی رقم صرف بیوہ کو ملے گی یا اس میں بھی وراثت جاری ہوگی؟

جواب: واضح رہے کہ پینشن کی رقم متعلقہ ادارے کی طرف سے عطیہ ہوتی ہے، لہذا پینشن کی رقم، ادارہ جس کے نام پر جاری کرے، وہی اس کا مالک ہوتا ہے، اس میں میراث جاری نہیں ہوتی ہے، لہذا اگر گورنمنٹ کی طرف سے پینشن کی رقم بیوی کو ملتی ہے، تو اس رقم کی حقدار صرف بیوی ہوگی، دوسرے ورثاء اس میں شریک نہیں ہونگے۔
نوٹ: مذکورہ بالا حکم صرف پینشن کے بارے میں ہے، اس کے علاوہ شوہر کے اگر کوئی اور واجبات حکومت کی طرف سے دیے گئے ہوں، تو سوال پوچھ کر اس کے متعلق معلوم کر لیا جائے۔