سوال: مفتی صاحب ! ایک شوہر نے بیوی کو 3 دفعہ طلاق دی، لیکن اب مانا نہیں رہا ہے، دونوں فریق قرآن پاک کی قسم کھا رہے ہیں کہ دونوں اپنی بات میں درست ہیں، اب کس کی بات کو مانا جائے گا؟

جواب: اگر طلاق کے بارے میں میاں بیوی دونوں کے درمیان اختلاف ہو جائے تو شرعی حکم یہ ہے کہ بیوی شوہر کے طلاق دینے پر شرعی گواہ (دو مرد یا ایک مرد اور دو عورتیں) پیش کرے، اگر بیوی شرعی گواہ پیش کردے تو طلاق واقع ہو جائے گی، اور اگر بیوی گواہ پیش نہ کرسکے تو شوہر سے طلاق نہ دینے پر قسم لی جائے گی، اگر اس نے طلاق نہ دینے پر قسم اٹھا لی تو اس صورت میں ظاہری فیصلہ شوہر کے حق میں ہوگا، اور طلاق واقع نہیں ہوگی، لیکن اگر عورت کو تین دفعہ طلاق دینے کا یقین ہو تو وہ شوہر کو اپنے اوپر قدرت نہ دے، اور اس سے چھٹکارا حاصل کرنے کی پوری کوشش کرے۔