سوال:
مفتی صاحب ! ہمارے علاقہ میں کوئی قبرستان نہیں ہے، اگر ہم لوگوں سے زکوۃ کی رقم جمع کریں اور اس سے زمین خرید کر قبرستان کے لئے وقف کردیں، تو ہمارا یہ عمل کیسا ہے، اور کیا اس طرح کرنے سے زکوۃ ادا ہوجائے گی؟
جواب: واضح رہے کہ زکوۃ ادا ہونے کے لئے ضروری ہے کہ زکوۃ کی رقم کا کسی مستحق کو مالک بنا دیا جائے، جبکہ زکوۃ کی رقم سے زمین خرید کر قبرستان کے لئے وقف کردینے کی صورت میں کسی مستحق کو مالک نہیں بنایا جاسکتا ہے، لہذا زکوۃ کی رقم سے زمین خرید کر قبرستان کے لئے وقف کردینا درست نہیں ہے، اگر ایسا کیا گیا، تو زکوۃ ادا نہیں ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیة: (170/1، ط: دار الفکر)
هي تمليك المال من فقير مسلم غير هاشمي، ولا مولاه بشرط قطع المنفعة عن المملك من كل وجه لله - تعالى - هذا في الشرع كذا في التبيين
و فیھا ایضا: (188/1، ط: دار الفکر)
ولا يجوز أن يبني بالزكاة المسجد، وكذا القناطر والسقايات، وإصلاح الطرقات، وكري الأنهار والحج والجهاد وكل ما لا تمليك فيه، ولا يجوز أن يكفن بها ميت۔۔الخ
واللہ تعالٰی اعلم بالصواب
دارالافتاء الاخلاص،کراچی