سوال:
مروجہ پگڑی پر جو مکان یا دکان لی جاتی ہے کہ ایک مخصوص رقم ایڈوانس دی جاتی ہے اور اس کی وجہ سے بہت کم کرایہ دینا پڑتا ہے۔ اس طرح مارکیٹ میں ایک دکان والد صاحب نے پگڑی پر لی تھی تو کیا اس پگڑی کی دکان میں میراث جاری ہوتی ہے؟
جواب: مروجہ پگڑی نہ تو مکمل طور پر خرید فروخت ہے، اور نہ ہی کرایہ داری (اجارہ) کا معاملہ ہے، بلکہ یہ دونوں کے درمیان ملا جلا معاملہ ہے، اس لئے شرعی طور پر مروجہ پگڑی معاملہ درست نہیں ہے، نیز اس کے معاملہ کے نتیجے میں پگڑی پر دی گئی دکان میں ملکیت مکمل طور پر منتقل نہیں ہوتی، بلکہ اصل مالک کی ملکیت اس دکان پر برقرار رہتی ہے، اور پگڑی کی مد میں دی جانے والی رقم پگڑی پر لینے والے شخص کی ملکیت میں ہوتی ہے، اب اگر پگڑی پر دکان لینے والے شخص کا انتقال ہوجائے تو یہ دکان اس کے ورثہ میں تقسیم نہیں ہوگی، البتہ پگڑی کی مد میں جو رقم جمع کرائی گئی تھی، وہ اس کے شرعی ورثاء کے درمیان میراث کے شرعی اصولوں کے مطابق تقسیم ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (523/4، ط: سعید)
جرت العادۃ أن صاحب الخلو حین یستأجر الدکان بالأجرۃ الیسیرۃ یدفع للناظر دراہم تسمی خدمة، ہي في الحقیقة تکملة أجرۃ المثل أو دونہا، وکذا إذا مات صاحب الخلو أو نزل عن خلوہ لغیرہ یأخذ الناظر من الوارث أو المنزول لہ دراہم تسمی تصدیقًا، فہٰذہ تحسب من الاجرۃ ایضا.
الھدایة: (317/3، ط: سعید)
و اذا مات احد المتعاقدين وقد عقد الاجارة لنفسه انفسخت الاجارة؛ لانه لو بقي العقد تصيرالمنفعة المملوكة له او الاجرة المملوكة له لغير العاقد مستحقة بالعقد، لانه ينتقل بالموت إلى الواث، وذلك لايجوز۔
وان عقدها لغيرہ الم تنفسخ؛ مثل الوكيل والوصی و المتولى في الوقف، لانعدام ما اشرنا الیه من المعنی۔
واللہ تعالٰی اعلم بالصواب
دارالافتاء الاخلاص،کراچی