سوال:
میں کرایہ کے مکان میں رہتا ہوں اور اپنا مکان خریدنے کے لئے رقم جمع کررہا ہوں، ابھی میرے پاس اسّی ہزار روپے جمع ہوچکے ہیں، اور آپ سے یہ پوچھنا ہے کہ کیا اس رقم پر زکوۃ واجب ہوگی، جبکہ میں مکان خریدنے کی ضرورت کے پیشِ نظر رقم جمع کررہا ہوں اور ابھی اس پر سال گزرنے میں بھی دو مہینے باقی ہیں، براہِ مہربانی وضاحت فرمادیں؟
جواب: واضح رہے کہ جو رقم زندگی کی کسی ضرورت کے لئے جمع کی جارہی ہو اور وہ نصاب کو پہنچ جائے اور وہ کسی ضرورت میں خرچ نہ ہو اور اسی حالت میں اس پر سال گزر جائے، تو وہ حاجتِ اصلیہ سے زائد شمار ہوگی اور سال گزرنے پر اس جمع کردہ رقم کی زکوۃ ادا کرنا لازم ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (262/2، ط: دار الفکر)
فإذا كان معه دراهم أمسكها بنية صرفها إلى حاجته الأصلية لا تجب الزكاة فيها إذا حال الحول، وهي عنده، لكن اعترضه في البحر بقوله: ويخالفه ما في المعراج في فصل زكاة العروض أن الزكاة تجب في النقد كيفما أمسكه للنماء أو للنفقة، وكذا في البدائع في بحث النماء التقديري۔۔۔۔۔۔إذا أمسكه لينفق منه كل ما يحتاجه فحال الحول، وقد بقي معه منه نصاب فإنه يزكي ذلك الباقي، وإن كان قصده الإنفاق منه أيضا في المستقبل لعدم استحقاق صرفه إلى حوائجه الأصلية وقت حولان الحول۔۔۔الخ
واللہ تعالٰی اعلم بالصواب
دارالافتاء الاخلاص،کراچی