سوال: میرا سوال یہ ہے کہ اگر کسی شخص کے دل میں ایمان ہے، لیکن اس نےزبان سے اقرار نہیں کیا ہے تو کیا یہ شخص مسلمان کہلائے گا؟

جواب: واضح رہے کہ اقرار باللسان تصدیقِ قلبی کی علامت اور اسلامی اَحکام جاری کرنے کے لیے شرط ہے، لہٰذا اگر کسی شخص کو تصدیق قلبی تو حاصل ہو،لیکن کسی عذر مثلاً : خوف کی وجہ سے اقرار نہیں کرتا تو وہ اللہ کے نزدیک تو مسلمان شمار ہوگا، البتہ دنیا میں اس پر مسلمانوں والے اَحکام(مثلاً: مرنے کی صورت میں اس پر نماز جنازہ پڑھنا اور مسلمانوں کے قبرستان میں دفن کرنے جیسے مسلمانوں کے ساتھ مخصوص دیگر اَحکام)جاری کرنے کے لیے کم سے کم ایک مرتبہ اقرار باللسان یعنی زبان سے اقرار کرنا ضروری ہے۔