سوال: مفتی صاحب !رقیم نام رکھنا کیسا ہے؟ رہنمائی فرمادیں

جواب: "رُقَیْم" (را کے پیش اور قاف کے زبر کے ساتھ) اس کا معنی ہے نقش ونگار، علامت، اور یہ صحابی رسول کا نام تھا، لہذا یہ نام رکھنا درست ہے۔
"رَقِیْم" (را کے زبر اور قاف کے زیر کے ساتھ) اس کا معنی ہے تحریر ، کتاب یا اصحاب کہف کی بستی یا ان کے پہاڑ کا نام یا اس تختی کا نام جس پر اصحاب کہف کے نام، نسب، مذھب اور ان کی اس جگہ کا نام لکھا ہوا تھا جہاں سے وہ بھاگ کر آئے تھے، اس معنی کے لحاظ سے اگرچہ یہ نام رکھنا جائز ہے، لیکن بہتر یہ ہے کہ اس کے بجائے انبیاء کرام (علیہم السلام) یا صحابہ کرام (رضوان اللہ علیہم اجمعین) کے ناموں میں سے کوئی نام رکھ لیا جائے۔