سوال: عالم بنو، اگر عالم نہیں بن سکتے تو طالب علم بنو، اگر یہ بھی نہیں بن سکتے تو خدمت والے بن جاؤ اور اگر یہ بھی نہیں تو ان سے محبت والے بن جاؤ اور پانچویں مت بنو۔ اگر یہ حدیث ہے تو مہربانی کرکے اس کے عربی کے الفاظ و ترجمہ اور حدیث کی کتاب بتادیں۔

جواب: جی ہاں ! مذکورہ حدیث سنن کبری للبھیقی میں موجود ہے، جس کے الفاظ اور ترجمہ یہ ہیں:
عَنِ الْحَسَنِ ، أَنَّ أَبَا الدَّرْدَاءِ ، قَالَ : كُنْ عَالِمًا أَوْ مُتَعَلِّمًا ، أَوْ مُحِبًّا أَوْ مُتَّبِعًا ، وَلَا تَكُنِ الْخَامِسَ فَتَهْلِكَ۔
ترجمہ: عالم بنو یا طالبعلم بنو یا ان سے محبت کرنے والے بنو یا ان کی اتباع کرنے والے بنو، اور پانچویں نہ بننا، ورنہ ہلاک ہو جاؤ گے۔