سوال: مفتی صاحب ! ہم نے 70 ہزار روپے ماہانہ کرائے پر گودام لیا ہے، ہر سال بعد دس فیصد کرایہ بڑھے گا، کیا اس طرح معاملہ کرنا صحیح ہے؟

جواب: شریعت مطہرہ نے کسی بھی چیز پر نفع حاصل کرنے کی مقدار اور حد مقرر نہیں فرمائی ہے، بلکہ ہر شخص کو اپنی مملوکہ اشیاء خواہ جتنے بھی نفع پر ہو، بیچنے یا کرائے پر دینے کی اجازت دی ہے، بشرطیکہ ظلم اور دھوکہ نہ ہو، البتہ مروت، ہمدردی اور انسانوں کی خیرخواہی کا تقاضہ یہ ہے کہ نفع اور کرائے کی مقدار کم، مناسب اور مارکیٹ کے مطابق رکھی جائے، بلاشبہ یہ عمل دنیا میں باعثِ برکت اور آخرت میں اجر و ثواب کا ذریعہ بنے گا۔