سوال: مفتی صاحب! کیا کسی امیر شخص کے بالغ لڑکے کو زکوۃ دینا جائز ہے، جبکہ وہ کافی مجبور ہو۔ رہنمائی فرمائیں۔

جواب: واضح رہے کہ بالغ اولاد اور باپ کی ملکیت الگ الگ شمار ہوتی ہے، اس لیے باپ کے صاحب نصاب ہونے سے بالغ بچے صاحب نصاب شمار نہیں ہوں گے ، لہذا کسی مال دار صاحب نصاب شخص کے غریب مستحق زکوة بالغ لڑکے کو زکوة دینا جائز ہے، البتہ اگر ایسا لڑکا مجبور اور ضرورت مند نہ ہو، تو اس کے لیے زکوة نہ لینا زیادہ بہتر ہے۔