سوال: کیا غسل جنابت کرتے وقت ناف میں پانی پہنچانے کے لیے انگلی ڈالنا ضروری ہے؟

جواب: غسل کے فرائض میں سے ایک یہ ہے کہ پورے بدن پر اس طرح پانی بہایا جائے کہ بال برابر جگہ بھی خشک نہ رہے، اس کے لیے ناف میں پانی ڈالنا بھی ضروری ہے، البتہ غسل کے دوران ناف میں پانی پہنچانے کے لئے انگلی ڈالنا فرض نہیں ہے، لہذا اگر کوئی شخص ناف میں انگلی نہ ڈالے اور پورے بدن پر اس طرح پانی بہائے کہ پورے بدن میں بال برابر جگہ بھی خشک نہ رہے اور ناف میں بھی پانی پہنچ جائے، تب بھی اس کا غسل ہوجائے گا۔ البتہ ناف میں پانی پہنچانے کی بہتر صورت یہ ہے کہ جسم پر پانی بہاتے ہوئے ناف میں انگلی ڈالی جائے، تاکہ ناف میں پانی پہنچنے کایقین حاصل ہوجائے۔