سوال: اگر کوئی شخص تہجد کی نیت سے نماز شروع کرے اور نیت کرنے کے بعد معلوم ہو کہ صبح صادق طلوع ہوچکی ہے اور فجر کا وقت داخل ہوچکا ہے، تو کیا حکم ہے؟

جواب: اگر کسی شخص کا یہ گمان ہو کہ ابھی تہجد کا وقت باقی ہے اور وہ دو رکعت نماز تہجد کی نیت سے شروع کرے، اور نیت باندھنے کے بعد اسے صبح صادق طلوع ہونے کا علم ہو، تو اگر اس نے صبح صادق طلوع ہونے کے بعد نیت باندھی ہو، تو یہ دو رکعت فجر کی سنتیں شمار ہو جائیں گی، کیونکہ یہ دو رکعت فجر کے وقت میں ادا کی گئی ہیں اور اگر اس نے صبح صادق طلوع ہونے سے پہلے نیت باندھی ہو اور نماز کے دوران صبح صادق طلوع ہوئی ہو، تو یہ نفل شمار ہوں گی، لہذا ان دو رکعتوں کو پورا کرلینا چاہیے۔