سوال:
حضرت فاطمہ زھرا رضی اللہ عنھا شہید ہوئی تھیں یا انتقال ہوا تھا؟
جواب: نبی کریم صلی اللہ علیہ وسلم کے وصال کے چھ مہینے بعد حضرت فاطمہ رضی اللہ عنہ بیمار ہوئیں اور چند روز بیمار رہیں، پھر 3 رمضان المبارک 11 ہجری میں منگل کی شب ان کا انتقال ہوا، اس وقت ان کی عمر مبارک علماء نے اٹھائیس یا انتیس برس ذکر کی ہے، فاطمہ رضی اللہ عنہا کی سن وفات اور ان کی عمر کے تعین میں سیرت نگاروں نے متعدد اقوال لکھے ہیں، ہم نے یہاں مشہور قول کے مطابق تاریخ انتقال اور مدت عمر درج کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
البدایۃ و النھایۃ: (244/8، ط: دار ھجر)
وقد توفيت فاطمة بعد رسول الله صلى الله عليه وسلم بستة أشهر على أشهر الأقوال، وهو الثابت عن عائشة في " الصحيح "
وفاء الوفاء: (91/3، ط: دار الکتب العلمیۃ)
وتوفيت فاطمة يوم الثلاثاء لثلاث خلت من شهر رمضان سنة إحدى عشرة، وكانت أشارت على زوجها أن يدفنها ليلا.
واللہ تعالٰی اعلم بالصواب
دارالافتاء الاخلاص،کراچی