سوال: السلام علیکم، اگر عشاء کی فرض نماز کی دوسری رکعت میں سورۃ الرحمن کی آیت نمبر 32 اور 33 پڑھی، آیت نمبر 34 اور 35 بھول گئے اور آیت نمبر 36 سے تلاوت جاری رکھی، آخر میں سجدہ سہو بھی کرلیا، ایسی صورت میں نماز ہوگئ یا دہرانی ہوگی؟

جواب: اگر نماز میں دورانِ قرأت چند آیتیں چھوٹ گئیں یا قرآن کے کچھ الفاظ چھوڑ دئیے گئے اور اس چھوڑنے سے معنی کے اندر کوئی تبدیلی پیدا نہیں ہوئی ہو، تو ایسی صورت میں نماز ادا ہوجاتی ہے، سجدہ سہو یا نماز کو دوبارہ پڑھنے کی ضرورت نہیں ہوتی۔
صورت مسئولہ میں آپکی نماز درست ہو گئی ہے، اعادہ کی ضرورت نہیں ہے۔