سوال:
مفتی صاحب ! شادی کے بعد عورت کو اپنے والدین سے کب اور کتنے وقت کے لیے ملنے جانے کی اجازت ہے؟
جواب: شادی کے بعد والدین سے ملنے کے لیے جانا عورت کا حق ہے، باہمی رضامندی سے اس کے لیے کسی مدت کا تعین کرلیا جائے، جس میں امور خانہ داری بھی متاثر نہ ہوں اور بیوی کی حق تلفی بھی نہ ہو، تاہم اگر والدین کے گھر جانے سے فتنہ کا اندیشہ ہو یا شوہر خدمت کا محتاج ہو اور بیوی کے جانے سے اسے ضرر لاحق ہو تو بیوی کے والدین کو چاہیے کہ وہ خود بیٹی کے گھر اس سے ملنے کے لیے آجایا کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (602/3، ط: دار الفکر)
(ولا يمنعها من الخروج إلى الوالدين) في كل جمعة إن لم يقدرا على إتيانها على ما اختاره في الاختيار ولو أبوها زمنا مثلا فاحتاجها فعليها تعاهده ولو كافرا وإن أبى الزوج فتح (ولا يمنعهما من الدخول عليها في كل جمعة، وفي غيرهما من المحارم في كل سنة) لها الخروج ولهم الدخول زيلعي (ويمنعهم من الكينونة) وفي نسخة: من البيتوتة لكن عبارة منلا مسكين: من القرار (عندها) به يفتى خانية۔
واللہ تعالٰی اعلم بالصواب
دارالافتاء الاخلاص،کراچی