عنوان: کیا تجدید نکاح کی صورت میں نیا مہر مقرر کرنا ضروری ہے؟(8405-No)

سوال: مفتی صاحب! کیا تجدیدِ نکاح میں ازسرِ نو مہر مقرر کرنا ہوگا یا بغیر مہر کے تجدید نکاح ہوسکتا ہے؟

جواب: کسی عورت سے پہلی مرتبہ نکاح کرنا ہو یا پھر طلاقِ بائنہ یا ارتداد (مرتد ہونے کے بعد دوبارہ دائرہ اسلام میں داخل ہونے) کی وجہ سے تجدیدِ نکاح کرنا ہو، تو ان صورتوں میں نیا مہر مقرر کرنا لازم ہے، البتہ اگر کسی علت (طلاق یا ارتداد) کے بغیر صرف احتیاطاً تجدید نکاح کرنا چاہتے ہوں، تو نیا مہر مقرر کیے بغیر بھی نکاح ہو جائے گا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:

الدر المختار مع رد المحتار: (112/3، ط: دار الفکر)
وفي الكافي جدد النكاح بزيادة ألف لزمه ألفان على الظاهر۔
أقول بقي ما إذا جدد بمثل المهر الأول ومقتضى ما مر من القول باعتبار تغيير الأول إلى الثاني أنه لا يجب بالثاني شيء هنا إذ لا زيادة فيه وعلى القول الثاني يجب المهران.
(تنبيه) في القنية جدد للحلال نكاحا بمهر يلزم إن جدده لأجل الزيادة لا احتياطا اھ أي لو جدده لأجل الاحتياط لا تلزمه الزيادة بلا نزاع كما في البزازية۔

رد المحتار: (509/4، ط: دار الفکر)
وأن قاضي خان أفتى بأنه لا يجب بالعقد الثاني شيء ما لم يقصد به الزيادة في المهر

واللہ تعالٰی اعلم بالصواب
دارالافتاء الاخلاص،کراچی

Print Full Screen Views: 2321 Sep 19, 2021
kia tajdeed e nikaah ki sorat me / mein naya meher muqarrar karna zarori he / hey?

Find here answers of your daily concerns or questions about daily life according to Islam and Sharia. This category covers your asking about the category of Nikah

Managed by: Hamariweb.com / Islamuna.com

Copyright © Al-Ikhalsonline 2024.