سوال: میں رات کو سوتے ہوئے نائٹی پہن کر سوتی ہوں اور اکثر اوقات فجر کی نماز اسی نائٹی میں پڑھتی ہوں، ابھی میں نے کہیں پڑھا ہے کہ نائٹی میں نماز نہیں پڑھنا چاہیے، براہ کرم آپ رہنمائی فرمائیں کہ کیا میں نائٹی میں فجر کی نماز پڑھ سکتی ہوں؟

جواب: نماز میں عورت کے چہرے، دونوں ہتھیلیوں اور دونوں قدموں کے علاوہ سارا جسم ستر میں شامل ہے، لہذا اگر مذکورہ لباس سے ستر ڈھک جاتا ہو اور پاک ہو اور ایسا لباس ہو جسے پہن کر عام طور پر لوگوں کے پاس جایا جاسکتا ہو تو ایسے لباس میں بلا کراہت نماز پڑھنا جائز ہے۔
لیکن اگر شروع کی دونوں شرائط میں سے کوئی ایک شرط بھی نہ پائی گئی تو ایسے لباس میں نماز ادا نہیں ہوگی، جبکہ صرف آخری بات نہ پائے جانے کی صورت میں نماز کراہت کے ساتھ ادا ہوگی۔