سوال: حضرت ! اگر امام نماز کے دوران آیت سجدہ پڑھے اور پیچھے دور والے مقتدی کو پتہ نہ ہو اور وہ رکوع میں چلے جائیں اور سجدہ نہ کریں، تو بعد میں سجدہ لوٹا کر کیا انکی نماز ہو جائیگی یا پِھر سے پڑھے گا ؟

جواب: واضح ہو کہ نماز میں جو آیت سجدہ تلاوت کی جائے، اس کے سجدے کو نماز ہی میں ادا کرنا ضروری ہے، لہذا اگر سجدہ تلاوت کسی وجہ سے چھوٹ جائے، تو بعد میں اس سجدے کی قضاء نہیں ہوتی اور نماز ہو جاتی ہے۔
لہذا سوال میں ذکر کردہ صورت میں اگر مقتدی کو رکوع کے دوران ہی معلوم ہوجائے کہ امام سجدے میں ہے، تو وہ رکوع چھوڑ کر سجدے میں امام کے ساتھ شریک ہوجائے، اور اگر بعد میں علم ہو اور سجدہ تلاوت میں امام کی اقتداء نہ کرسکے، تب بھی نماز ہوجائے گی ۔