عنوان: حضرت آدم علیہ السلام کی ابتدائی زندگی سے متعلق سوال کا جواب(100870-No)

سوال: السلام علیکم، آدم علیہ السلام جب دنیا میں تشریف لائے تو نہ گھر تھا،  نہ سواری، نہ  کپڑے، نہ برتن، نہ اوزار تو آپ ضروریات زندگی کیسے پوری کرتے تھے، موسم کی شدت سے کیسے بچتے تھے؟

جواب: واضح رہے کہ انسان احکام شریعت کی پابندی کا مکلف ہے، لہذا اسے ان مسائل کے سیکھنے میں مصروف ہونا چاہیے، جن پر آخرت کی نجات کا مدار ہے، اس وضاحت کو سامنے رکھتے ہوئے، ہمیں انبیاء علیہم السلام کے حالات زندگی کا مطالعہ اپنی ہدایت اور احکام شریعت کی رہنمائی کے لیے کرنا چاہیے۔
بہر حال تفسیر کی کتابوں میں یہ بات صراحت کے ساتھ ملتی ہے کہ حضرت آدم علیہ السلام کو اللہ تعالیٰ نے تمام اشیاء کائنات کا علم تام عطا فرمادیا تھا، لہذا یہ علم ان کی فطرت کا حصہ ہوگا، جس کی مدد سے وہ زندگی کی ضروریات اور اس کے مسائل کو حل فرمالیا کرتے ہونگے، جیسے نومولود بچہ پیدائش کے فوراً بعد بغیر کسی کے سکھائے اپنی فطرت کے بل بوتے پر، ماں کا دودھ پی سکتا ہے، اس کو بظاہر کوئی سکھانے والا نظر نہیں آتا، بلکہ در حقیقت اللہ تعالی ہی اسے سکھا دیتے ہیں، اسی طرح بطخ کا بچہ بغیر تربیت کے تیرنا جانتا ہے اور یہ بات اس کی فطرت میں داخل ہے ۔
(ملخص از معارف القرآن : ج ١ ص: ١٨۰)

واللہ تعالٰی اعلم بالصواب
دارالافتاء الاخلاص،کراچی

Print Full Screen Views: 207
hazrat Adam (A.S) ki ibtedaai zindagi se/say mutaliq sawal ka jawab , answers to the questions regarding the early life of hazrat aadam (A.S)

Find here answers of your daily concerns or questions about daily life according to Islam and Sharia. This category covers your asking about the category of Miscellaneous

Managed by: Hamariweb.com / Islamuna.com

Copyright © Al-Ikhalsonline 2022.