سوال: مفتی صاحب ! اگر ہم ایسی جگہ پر ہوں کہ وہاں سے مسجد دور ہو، تو کیا اپنی جگہ پر جماعت کروانا درست ہے؟ نیز اگر مریض اپنی جگہ جماعت کروارہا ہو، تو اس کے ساتھ کتنے لوگ بلا عذر شریک ہو سکتے ہیں؟

جواب: فرض نماز باجماعت مسجد جاکر ہی ادا کرنی چاہیے، حدیث شریف میں آتا ہے کہ بندہ جتنی دور سے مسجد آتا ہے، اس کے لئے ہر ہر قدم پر ثواب ملتا ہے۔
تاہم اگر کوئی شخص ایسے مقام پر ہو، جہاں سے مسجد بہت دور ہو اور ہر وقت مسجد پہنچنا دشواری کا باعث ہو، تو مجبوراً اس مقام میں جماعت سے نماز پڑھنے کی گنجائش ہوگی، لیکن اس صورت میں مسجد میں نماز پڑھنے کا ثواب نہیں ملے گا۔
بیمار شخص بیماری کی وجہ سے مسجد نہ جاسکتا ہو اور اپنے مقام پر باجماعت نماز پڑھنا چاہے، تو اس کے ساتھ ایک دو افراد جماعت قائم کرنے کے لئے نماز میں شریک ہوسکتے ہیں۔