سوال:
السلام علیکم، حضرت ! اگر کوئی شخص اپنی بیوی سے جھگڑے اور غصے میں دل میں یہ کہے کہ پتہ نہی کہاں سے پلے پڑ گئی ہے، تو کیا اس سے طلاق کا کوئی اندیشہ ہو گا؟
وضاحت فرما دیں۔
جواب: واضح رہے کہ جب تک زبان سے طلاق کے الفاظ ادا نہ کیے جائیں، اور ان الفاظ کی نسبت اپنی بیوی کی طرف نہ کی جائے، اس وقت تک طلاق واقع نہیں ہوتی ہے۔
لہذا اگر کوئی شخص صرف دل میں یہ کہے کہ "پتہ نہیں کہاں سے پلے پڑ گئی"، اور زبان سے طلاق کے کوئی الفاظ ادا نہ کرے، تو اس سے طلاق واقع نہیں ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (247/3، ط: سعید)
و رکنہ (الطلاق) لفظ مخصوص وفی الشامیۃ ھوماجعل دلالۃ علی معنی الطلاق من صریح اوکنایۃ ۔۔۔وارادالفظ ولوحکمالیدخل الکتابۃ المستبینۃ واشارۃ الاخرس ....الخ واراد بہاالفظ اومایقوم مقامہ من الکتابۃ المستبینۃ اوالاشارۃ المفہومۃ ۔۔۔لان رکن الطلاق الفظ اومایقوم مقامہ"۔
رد المحتار: (296/3، ط: سعید)
ونقل في البحر عدم الوقوع بلا أحبك لا أشتهيك لا رغبة لي فيك وإن نوى ووجهه أن معاني هذه الألفاظ ليست ناشئة عن الطلاق لأن الغالب الندم بعده فتنشأ المحبة و الاشتهاء و الرغبة بخلاف الحرمة فإذا لم يقع بهذه الألفاظ مع احتمال أن يكون المراد لأني طلقتك ففي لفظ اليمين بالأولى۔
واللہ تعالٰی اعلم بالصواب
دارالافتاء الاخلاص،کراچی