سوال:
ایک شخص کا انتقال ہوا، ورثاء میں ایک بیوی، تین بیٹے اور دو بیٹیاں ہیں، مرحوم نے وراثت میں بیس گھر چھوڑے ہیں، براہ کرم ورثاء میں شرعی تقسیم فرمادیں۔
جواب: مرحوم کی تجہیز و تکفین کے جائز اور متوسط اخراجات، قرض کی ادائیگی اور اگر کسی غیر وارث کے لیے جائز وصیت کی ہو، تو ایک تہائی (1/3) میں وصیت نافذ کرنے کے بعد کل جائیداد منقولہ و غیر منقولہ کو چونسٹھ (64) حصوں میں تقسیم کیا جائے گا، جس میں سے بیوہ کو آٹھ (8)، تین بیٹوں میں سے ہر ایک کو چودہ (14) اور دو بیٹیوں میں سے ہر ایک کو سات (7) حصے ملیں گے۔
اس تقسیم کے اعتبار سے مرحوم کے تمام متروکہ مکانوں میں بیوہ کا % 12.5 فیصد، ہر ایک بیٹے کا % 21.875 فیصد اور ہر ایک بیٹی کا % 10.93 فیصد حصہ ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
القرآن الکریم: (النساء، الایۃ: 11)
يُوصِيكُمُ اللَّهُ فِي أَوْلَادِكُمْ ۖ لِلذَّکَرِ مِثْلُ حَظِّ الْأُنثَيَيْنِ ۚ ....الخ
و قولہ تعالی: (النساء، الایۃ: 12)
وَلَكُمْ نِصْفُ مَا تَرَكَ أَزْوَاجُكُمْ إِنْ لَمْ يَكُنْ لَهُنَّ وَلَدٌ فَإِنْ كَانَ لَهُنَّ وَلَدٌ فَلَكُمُ الرُّبُعُ مِمَّا تَرَكْنَ مِنْ بَعْدِ وَصِيَّةٍ يُوصِينَ بِهَا أَوْ دَيْنٍ وَلَهُنَّ الرُّبُعُ مِمَّا تَرَكْتُمْ إِنْ لَمْ يَكُنْ لَكُمْ وَلَدٌ فَإِنْ كَانَ لَكُمْ وَلَدٌ فَلَهُنَّ الثُّمُنُ مِمَّا تَرَكْتُمْ مِنْ بَعْدِ وَصِيَّةٍ تُوصُونَ بِهَا أَوْ دَيْنٍ.... الخ
واللہ تعالٰی اعلم بالصواب
دارالافتاء الاخلاص،کراچی