سوال:
لڑکیوں کا نام ایزل رکھنا کیسا ہے؟
جواب: "اِیْزِل" (ہمزہ کے زبر یاء کے سکون اور زا کی زیر کے ساتھ) (Eezil) انگریزی زبان کا لفظ ہے، جس کا معنی ہے "لکڑی کا وہ اسٹینڈ جس میں تصویر وغیرہ لگائی جاتی ہے"۔ معنی کے اعتبار سے یہ نام رکھنا مناسب نہیں ہے، بہتر یہ ہے کہ مذکورہ نام کے بجائے بچی کے لیے ازواج مطہرات یا صحابیات رضوان اللہ علیہن کے ناموں میں سے کوئی نام منتخب کرلیں یا کوئی بھی اچھے معنیٰ والا نام رکھ لیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
سنن ابی داؤد: (رقم الحدیث: 4955، ط: دار ابن حزم)
عن أبي الدرداء قال: قال: رسول اللہ صلی الله علیه وسلم: تُدعون یوم القیامة بأسمائکم وأسماء آبائکم فأحسنوا أسمائکم․
واللّٰه تعالٰی اعلم بالصواب
دارالافتاء الاخلاص،کراچی