سوال:
مفتی صاحب ! براہ کرم اس واقعہ کی تصدیق فرمادیں: حضرت ابو بکر صدیق رضی اللہ عنہ کے واقعہ کے بارے میں ہے کہ انہوں نے ظہر وعصر ومغرب میں نماز کے بعد حضور سے ملاقات نہیں کی تو حضور ﷺ نے انہیں بلا کر نہ ملنے کی وجہ پوچھی تو آپ نے عرض کیا : آپ نے خود ہی فرمایا کہ (زُرْ غِبًّا تَزْدَدْ حُبًّا وقفے سے ملا کرو محبت بڑھے گی)۔
جواب: سوال میں مذکور حضرت ابو بکر صدیق رضی اللہ عنہ کى طرف منسوب یہ واقعہ کافى تلاش کے باوجودکتبِ احادیث میں نہیں ملا ہے، البتہ آنحضرت صلى اللہ علیہ وسلم کا یہ ارشاد: "زُرْ غِبًّا تَزْدَدْ حُبًّا " ترجمہ: "(اپنے تعلق والوں سے) ملاقات میں ناغہ کیا کرو، (یعنی روز روز ملاقات کا معمول نہ بناؤ) اس سے تمہاری محبت بڑھے گی"۔ (9) صحابہ کرام رضوان اللہ علیہم اجمعین سے مروى ہے،ان میں حضرت ابوبکر صدیق رضی اللہ عنہ کا نام شامل نہیں ہے، ذیل میں حدیث کے راوى صحابہ کرام کے اسماء گرامى اور کتب احادیث کا حوالہ درج ہے:
1- حضرت حبیب بن مسلمۃ رضی اللہ عنہ۔ (المستدرک على الصحیحین للحاکم: حدیث نمبر: 5477)
2- حضرت ابو ذر غفاری رضی اللہ عنہ۔ (مسند البزار: حدیث نمبر: 3963)
3- حضرت ابو ہریرہ رضی اللہ عنہ۔ (مسند أبي داود الطيالسي: حدیث نمبر: 2658)
4- حضرت عبد اللہ بن عمر رضی اللہ عنہما۔ (المعجم الأوسط: حدیث نمبر: 87)
5- حضرت عبداللہ بن عمرو بن العاص رضی اللہ عنہما۔ (كتاب الإخوان لابن أبي الدنیا: حدیث نمبر 104)
6- حضرت علی بن أبی طالب رضی اللہ عنہ۔ (كتاب الإخوان لابن أبي الدنیا: حدیث نمبر 104)
7- حضرت جابر بن عبداللہ رضی اللہ عنہما۔ (تاريخ أصبهان لابی نعیم: ج 1 ص 180)
8- حضرت معاویۃ بن حیدۃ رضی اللہ عنہ۔ (فوائد تمام: حدیث نمبر:1093)
9- أم المؤمنین حضرت عائشہ صدیقہ رضی اللہ عنہا۔(تاريخ بغداد: حدیث نمبر: 3374) (1)
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
(1) المستدرك على الصحيحين للحاكم: (ذكر مناقب حبيب بن مسلمة الفهري، 3/ 390، رقم الحديث(5477)، ط: دار الكتب العلمية)
عن حبيب بن مسلمة قال: قال رسول الله صلى الله عليه وسلم: "زر غبا تزدد حبا".
مسند البزار: (ج 9 ص 380، رقم الحدیث: 3963، ط: مكتبة العلوم و الحكم)
عن أبي ذر رضی اللّٰہ عنہ قال قال رسول الله ﷺ: "زر غبا تزدد حبا".
مسند أبي داود الطيالسي: (ج 4 ص 268، رقم الحديث (2658)، ط: دار هجر، مصر)
عن أبي هريرة، قال: قال رسول الله صلى الله عليه وسلم: "يا أبا هريرة، زر غبا تزدد حبا".
المعجم الأوسط: (ج 1 ص 34، رقم الحديث (87)، ط: دار الحرمين، القاهرة)
عن نافع، عن ابن عمر قال: قال رسول الله صلى الله عليه وسلم: "زوروا غبا تزدادوا حبا".
رسائل ابن أبي الدنیا: (كتاب الإخوان ، باب في إغباب الزيارة،ج 8 ص 172، رقم الحديث(104)، ط: المكتبة العصرية)
عن عبد الله بن عمرو عن النبي ﷺ قال: "زر غبا تزدد حبا".
رسائل ابن أبي الدنیا: (كتاب الإخوان ، باب في إغباب الزيارة،ج 8 ص 172، رقم الحديث(104)، ط: المكتبة العصرية)
عن علي عن النبي ﷺ قال: "زر غبا تزدد حبا".
تاريخ أصبهان لابی نعیم: (ج 1 ص 180، ط: دار الکتب العلمیة)
عن جابر، قال: قال رسول الله صلى الله عليه وسلم: "يا جابر، زر غبا تزدد حبا".
فوائد تمام: (ج 2 ص 44، رقم الحدیث (1093)، ط: مکتبة الرشد، الریاض)
عن بهز بن حكيم، عن أبيه، عن جده، عن رسول الله صلى الله عليه وسلم قال: "زر غبا، تزدد حبا".
تاريخ بغداد: (ج 11 ص 429 ، رقم الحدیث (3374)، ط: دار الغرب الاسلامی)
عن عائشة، أن النبي صلى الله عليه وسلم قال: " زر غبا تزدد حبا ".
واللہ تعالٰی اعلم بالصواب
دارالإفتاء الاخلاص،کراچی