سوال: میرا سوال یہ ہے کہ اگر بیوی یا شوہر سے کفریہ کلمہ ادا ہوئے ہوں یا کوئی ایسا فعل ہوا ہو، جس سے وہ دائرہ اسلام سے نکل گئے ہوں، کیا اس سے ان کا نکاح ٹوٹ جائے گا؟ کیا اس حالت میں نکاح ٹوٹ جانے کے بعد لڑکی کسی اور کے ساتھ نکاح کر سکتی ہے؟ نکاح ٹوٹنے اور طلاق دینے میں کیا فرق ہے؟

جواب: اگر کسی شادی شدہ شخص نے ایسا کلمہٴ کفر ادا کیا، جس کی بنا پر معتبر مفتیان نے تحقیقِ واقعہ کے بعد اس شخص کے“مرتد” ہونے کا فتوی دے دیا، تو اس کا نکاح ٹوٹ جائے گا اور بیوی اس سے بائنہ ہو جائے گی، لہذا وہ عدت گزار کر دوسری جگہ نکاح کرسکتی ہے۔
البتہ اگر شوہر دوبارہ مسلمان ہوجاتا ہے اور وہ اپنی پہلی بیوی سے نکاح کرنا چاہتا ہے، تو عدت یا عدت گزرنے کے بعد اس کی رضامندی سے نئے مہر کے ساتھ دو گواہوں کی موجودگی میں نکاح کرسکتا ہے۔
اگر بیوی نے کلمہ کفر ادا کیا ہے، تو مفتیٰ بہ کے مطابق اس کا نکاح سابق شوہر سے بدستور قائم رہے گا، لیکن شوہر کے لیے عورت کی طرف سے تجدید نکاح سے پہلے اس کے ساتھ وطی یا دواعی وطی شرعاً جائز نہیں ہے۔
ایسی صورت میں بیوی یا تو تجدید اسلام کرکے اپنے سابق شوہر کے ساتھ ازدواجی زندگی گزارے، یا پھر شوہر سے طلاق حاصل کرلے۔
2۔ واضح رہے کہ نکاح ٹوٹ جانا طلاق کا اثر ہوتا ہے، اس لیے اس اعتبار سے فرق کا سوال ہی پیدا نہیں ہوتا ہے، البتہ میاں بیوی میں علیحدگی کے لیے فقہاء کرام کی عبارات میں دو قسم کے الفاظ استعمال ہوتے ہیں:
(1) طلاق اور (2) فسخ نکاح۔

گویا یوں کہا جاسکتا ہے کہ میاں اور بيوى ميں عليحدگى دو طريقوں سے ہوتى ہے، يا تو طلاق يا پھر فسخ نكاح (نکاح ٹوڑنا)كے ذريعہ۔
ان دونوں ميں فرق يہ ہے كہ شوہر كى جانب سے ازدواجى تعلق كو ختم كرنا طلاق كہلاتا ہے، اور اس كے كچھ مخصوص اور معروف الفاظ ہيں۔
اور فسخ نكاح تو يہ عقد نكاح كو توڑنے اور ازدواجى ارتباط كو بالكل اصل سے ختم كرنے كا نام ہے، اور يہ قاضى يا شرعى حكم كے ذريعہ ہوتا ہے۔
اور ان دونوں ميں درج ذيل فرق پايا جاتا ہے:
1 ـ طلاق صرف شوہر كے الفاظ اور اس كے اختيار و رضا سے ہوتى ہے، ليكن فسخ نكاح شوہر كے الفاظ كے بغير بھى ہو جاتا ہے، اور اس ميں شوہر كى رضا اور اختيار كى شرط نہيں ہے۔
2 ـ طلاق كے كئى ايک اسباب ہيں، اور بعض اوقات بغير كسى سبب كے بھى ہو سكتى ہے، بلكہ طلاق تو صرف شوہر کے الفاظ طلاق ادا کرنے سے ہوگی، اور فسخ نكاح كے ليے سبب كا ہونا ضرورى ہے، جو فسخ كو واجب يا مباح كرے۔
فسخ نكاح ثابت ہونے والے اسباب كى مثاليں:
(1) شوہر اور بيوى كے درمیان كفؤ و مناسبت کا نہ ہونا۔
(2) میاں بيوى ميں سے كوئى ايک اسلام سے مرتد ہو جائے، اور دين اسلام ميں واپس نہ آئے۔
(3) شوہر اسلام قبول كر لے اور بيوى اسلام قبول كرنے سے انكار كر دے، اور وہ مشركہ ہو اور اہل كتاب سے تعلق نہ ركھتى ہو۔
(4) میاں اور بيوى ميں لعان ہو جائے۔
(5) بیوی کا شوہر كے نفقہ و اخراجات سے تنگ اور عاجز ہو کر فسخ نكاح طلب كرنا۔
(6) میاں يا بيوى ميں سے كسى ايک ميں ايسا عيب پايا جائے، جو استمتاع ميں مانع ہو، يا پھر دونوں ميں نفرت پيدا كرنے كا باعث بنے۔
3 ـ فسخ نكاح كے بعد شوہر كو رجوع كا حق حاصل نہيں ہوتا، جبکہ طلاق رجعى كى عدت ميں وہ اس کى بيوى ہے، اور پہلى اور دوسرى طلاق كے بعد اسے رجوع كرنے كا حق حاصل ہے، چاہے بيوى راضى ہو يا راضى نہ ہو۔
4ـ دخول سے قبل فسخ نكاح عورت كے ليے كوئى مہر واجب نہيں كرتا، ليكن دخول سے قبل طلاق ميں مقرر كردہ مہر كا نصف مہر واجب ہوتا ہے۔