سوال: السلام علیکم، مفتی صاحب! سوال یہ ہے کہ قعدۂ اخیرۃ میں یہ درود "اللّہم صلّ علی محمد وعلی آل محمد" اور دعا میں صرف "اللہم رَبَّنَآ اٰتِنَا فِی الدُّنْیَا حَسَنَةً وَّ فِی الْاٰخِرَةِ حَسَنَةً وَّقِنَا عَذَابَ النَّارِ" پڑھ کر سلام پھیرنا صحیح ہے؟

جواب: واضح رہے کہ نماز کے قعدہ اخیرہ میں درود شریف پڑھنا مسنون ہے، لہذا کوئی بھی ماثور درود (احادیث مبارکہ میں وارد شدہ) پڑھنے سے درود شریف کی سنت ادا ہوجائے گی، البتہ درود ابراہیمی پڑھنا افضل اور مستحب ہے۔
نیز نماز کے قعدہ اخیرہ میں درود شریف کے بعد قرآنِ کریم یا احادیث مبارکہ سے ثابت شدہ دعاؤں میں سے کوئی بھی دعا پڑھ سکتے ہیں۔
لہذا سوال میں ذکر کردہ درود شریف اور دعا، نماز کے قعدہ اخیرہ میں پڑھنا درست ہے، البتہ اس درود کے بجائے مکمل درود ابراہیمی پڑھنا افضل ہے۔