سوال: السلام علیکم، مفتی صاحب! میرا سوال یہ تھا کہ گھر میں بلی پالنا کیسا ہے؟ نیز اگر وہ کسی کھانے پینے کی چیز پر منہ مار دے، تو اس چیز کو استعمال میں لاسکتے ہیں یا نیہں؟ نیز کیا بلی نجس ہے؟ براہ کرم ان سوالات کے جوابات عنایت فرمادیں۔

جواب: بلی پاک جانور ہے، اسکا پالنا شرعاً جائز (مباح) ہے، بشرطیکہ اس کی دیکھ بھال اور کھانے پینے کا خیال رکھا جائے۔
عام حالات میں بلی کا جھوٹا مکروہ ہے، لہذا اگر اللہ نے وسعت دی ہو، تو اس کے جھوٹے کو استعمال نہ کرے، البتہ غریب کے لئے بلی کا جھوٹا استعمال کرنا جائز ہے۔
لیکن اگر بلی نے چوہا یا کوئی اور نجس چیز کھانے کے فورا بعد کسی برتن وغیرہ میں منہ ڈال کر کھانے پینے کی چیز کو جھوٹا کردیا ہو، تو ناپاک ہونے کی وجہ سے اس جھوٹے کا استعمال جائز نہیں ہوگا۔