سوال: السلام علیکم ورحمۃ اللہ، مفتی صاحب ! رمضان کے جو روزے قضا ہو جاتے ہیں، جب وہ بعد میں رکھے جائیں تو اس میں سحری کرنے کا کیا حکم ہے؟ کیا بغیر سحری کے روزہ رکھا جاسکتا ہے یا سحری کی نیت کی جائے اور آنکھ نہ کھل سکے، تو اس صورت میں کیا حکم ہے؟

جواب: روزہ رکھنے کے لیے سحری کرنا سنت ہے، فرض یا واجب نہیں ہے، لہذا رات کو سحری کھانے کے لیے اگر آنکھ نہیں کھلی اور روزہ رکھنے کی نیت تھی، تو بغیر سحری کھائے روزہ رکھ سکتے ہیں، بشرطیکہ صبح صادق  کے بعد روزہ کے منافی کوئی عمل نہ کیا ہو۔
واضح رہے کہ قضاء روزہ رکھنے کیلئے رات سے نیت کرنا ضروری ہے، اگر رات کو قضاء روزہ رکھنے کی نیت نہیں تھی، تو صبح صادق کے بعد نیت کرکے قضاء روزہ رکھنا درست نہیں ہوگا۔