سوال: السلام علیکم، مسجد کے صحن میں صفیں لمبی ہونے کیوجہ سے ایک مقرر کردہ صف کے بجائے دو چھوٹی چھوٹی صفیں بناسکتے ہیں؟

جواب: واضح رہے کہ حدیث شریف میں پہلی صف میں نماز پڑھنے کی ترغیب وارد ہوئی ہے، اور پہلی صف میں جگہ ملنے کے باوجود دوسری صف میں نماز پڑھنے پر سخت وعید آئی ہے، لہذا عام حالات میں مسجد میں مقرر شدہ پہلی صف کو دونوں اطراف سے کم کرکے دو صفیں بنانا مکروہ ہے۔
البتہ اگر کسی عذر کی وجہ سے پہلی صف کو اطراف سے کم کیا جارہا ہے، تو وہ عذر لکھ کر بھیجیں، تاکہ اس کی روشنی میں جواب دیا جاسکے۔