سوال: ایک شخص بیمہ کمپنی میں ملازمت کرتے ہیں اور کمپنی میں پیسے جمع کروا کر لوگوں کا بیمہ کرواتے ہیں، یہ بیمہ کمپنی سب کے پیسے لے کر بھاگ گٸی ہے معلوم یہ کرنا ہے کہ کیا اب یہ پیسے لوگوں کو یہ شخص دیگا؟

جواب: چونکہ یہ شخص کمپنی کا ملازم ہے، اس نے پیسے اپنے لیے نہیں تھے، بلکہ کمپنی کیلئے لیے تھے، اس لیے یہ شخص ضامن نہیں ہوگا، البتہ اگر اس شخص نے اپنی ذمہ داری پر بیمہ کمپنی کو پیسے دلوائے تھے یا یہ ثابت ہوجائے کہ کمپنی کے فراڈ کا اسے علم تھا اس کے باوجود اس نے کمپنی کے نام پر لوگوں سے پیسے لیے تو پھر ایسی صورت میں یہ شخص ضامن ہوگا۔
تاہم واضح رہے کہ مروجہ بیمہ سود اور غرر جیسی خرابیوں پر مشتمل ہونے کی وجہ سے جائز نہیں، اس کے بجائے مستند علمائے کرام کی نگرانی میں کام کرنے والی تکافل کمپنیوں سے سہولت حاصل کی جاسکتی ہے۔